LALLAWMAWMA- RIH TLANG MIN LIAM SAN LE, TUN LAI HLA LAR TLEM SAWI ZAU NA.

"RIH TLANG MIN LIAM SAN LE" han bih chiang ve mah teh. Source : Lalremruata khiangte, fb post

RIH TLANG : Tunlai zaithiam zinga thiam ka tih te zing a mi,aw tham nalh tak mai Lallawmawma'n thiam leh lungkuai fahrana a sak, Rih Tlang hi in lo ngaithla ve tawh em? In la ngaithla lo a nih chuan lo ngaithla ve teh u,ka ngaihthlak a piangin khawharna leh lunglenna chuan min tuam a,mahni tawn ang maiin kan lo na ve thei nia!!! He hla lungkuai leh lungrun tak mai hian a phuahtu rilru leh thinlung nat zia alang thei a,a satu aw tham nalh tak hian a chawi hle bawk. Athu hi a mawl mangin a phuah chawp hle nâ a,rilru na tawpkhawk atanga rawn chhuak a ni tih a hriat theih. Bakah a hlathu thenkhat,hlathua an hman zen zen loh a awm nual bawk. A nau sipai chu chawlh hmang turin hlimtakin in lam panin a rawn hawng a,mahse a chuanna rêl chhungah chuan Rih tlang lam a pan ta si a. Rêl sawi nan a, Lirpui rûn sei khawl lian,a han tih te hi,in lo hre tawh em? Ka hre lova, Zo tawng hausakna pakhat chu a ni ve in ka hria. Chang hnihnaah,A nau ruang tak ngial pawh a khawih lova,a kuang pawh hawng lo leh a ruang pawh chûl lova thlanah phum a ni te,a thihna chu reiin hun tam,zan tam pawh ral mahse,a kuang chu hawn a,pawm a châk a, mahse a rem si lo. Heta kuang sawi nana,thingpui rem a ti te hi a dangdai. Ka chan leh ka tawrhah kan in dah chhin a,a nat dan tur hi! A hmel hmu lo leh vawi khat pawh tawk lova a han liam mai chu. A rilru nâ chuan ,thlafam ngaih hi kei aia tuar nâ an awm angem? a ti hial a ni. Rêl chhungah a puan nghenga mu a,alo thi bal mai tur te chu,ka ngaihtuah thui ngam lo,lunglai min run ngei e,a han ti kuai raih mai te hi. Keipawn ka ngaihtuah pui thui ngam lo. A in nghahna ber a nau a awm ta silo, a tel lova hmalam hun han hman chu a huphurh tak zet a,tangkapui leh chawimawina a hawn ve te pawh hi engtinnge a tih tak ang? A tih ngaihna hrelo chuan a duhdante a mumang ramah tal hrilh turin a ngen ta hial a nih hi. A tawp ber erawh hi chu thu pangngai niin,a thawhpui te leh an hotu ten an chawimawina leh Pathianin malsawm se a duh thuin a khar a ni. He hla hi sawifiah vak ka tum lam ai mahin,a phuahtu thinlung natna leh tawrh nat zia rawn sawi ka tum mai a ni e. Mahni chauhin,fianrialah tuma chim buai lohin han ngaithla ve mahteh, a phuahtu thinlung hi i tawmpui loh tåååkah, thihsak pawh ka ngam!!

NOTE : A thu ziah sual pawh kan nei palh theia, min lo hre thiam ula, thu rawn min pe zawk tur in kam in ngen a ni e.