PETER BIAKSANGZUALA CHANCHIN TLANGPUI.

GOODBYE PETER....!!!!! Kan mi ngaihsan êm2 mai leh kan ui êm2 mai Peter-a chancin tlangpui hi kan han hrilh hre ve ang che u. Euro 2004 leh World Cup 2006 a Portugal left back Nuno Valente nen pianni inang chiahin Sept ni 12, 1991-ah khan kan thlah liam tâk Peter Biaksangzuala hi khawzawl damdawi inah a lo piang a. Football thiam tak lo zîk chhuahna hmun leh khêlmual tha nei Khawzawl khaw naupang dangte ang bawkin Petera pawhin inkhelh chu a nuam tih berte zinga mi a ni. Naupang harh leh zûan zâng, thu awih thei tak, ball pêt tura sâwm inpeih at reng a ni a. A bul tanna chu Mizo naupang dangte ang bawkin kawngpui dung leh sikul kawt zawl ve tho a ni. A pa P.Vanlalchhuanachuan, "Football khelh hi a tui zawng leh a nuam tih zawng tak a nia. Inkhêl thiam turin lehkhathiam nih tel a ngai tih hrilh chungin, a zirlai a thlah ka phal lo a, lehkha zirturin ka fuih sauh2 thin" ati. HSLC a zo va, inkhelh tak2 a pa-in a phal hnuah mumal deuhin a khêl ta a ni. A hrechiangtute sawi danin Petera hi chawlh thlahlel lem lo, practice reng duh mi a ni an ti. A insûm theihna te, team tana a inpêkna te a hlu a. Khawi positionah pawh khêl se pangngai taka khêl thei vek a ni. Defensive midfielder an tih angah hian a rintlak zual hle a ni awm e. Defender-te pui thiam, hma lam pana nawr hunah pawh insiam rem thiam tak tia sawi thin chu Petera hi a ni. Inkhêl tura a zin chhuah reng2 in Bible keng lovin a zin ngai lo. Pathian a tih a, Infiammi a nih ang ngeiin ruihhlo lakah pawh a fihlim hle. Kuhva a ei ngai lo a, meizial phei chu a bung pawh a paih duh lo, a khawih duh lo hrim hrim niin an sawi. Petera hi a makna em em chu game a khelh chhiat chang deuh pawhin a dawt leh inkhelh leh hunah chuan hmasawnna hmuh tur a awm deuh ziah tiin amah hrechiangtuten an sawia. Chumi awmzia chu, a tih that lohna a pawm thiam a, inzir leh hmasawn ngai a ni tih a inhria a, chumi atan chuan a hun awlah nasa zawkin a inbuatsaih ziah thin tihna a ni. Dairy ziak thin a nihna te hian a taimak zia a tilang chiang hle a. A diary-ah hian Pathian thu hmuh tur tam tak a awm bawk. Peter Biaksangzuala'nchatuan ram a pan hma lawka tawngkam an hriat chu "Pathian hnenah ka kal dawn asin!" tih hi a ni.! Hun harsa leh khirh tak hnuaiah pawh midang tan malsawmna niin a mit chu a mamawhtute tan a hlân nghe nghe a ni. Kan ngaihsân em em leh kan ui êm2 Peter-a chanchin hi sawi tur tam tak a awm. Mahse, duh tawk phawt teh ang. Duh leh Comment-na lamah kan sawi chhunzawm dawn nia.