MOBILE BO HNU IMEI HMANGA HMUH LET DAN!

I Phone a bo a, Switch off a inti tlat bawk si ani tiraw. A rutu
chuan i SIM hmanlai chu paih bovin SIM Card number
dang vuahin a lo hmang reng tawh pawh a ni thei.

Engting nge i chhui zui ang?
Mobile Phone kan lei reng reng hian a bawm a chhawm
deuh vek a.

Chu kan Mobile leitharin bawm a chhawm chu
paih mai lovin dah that tlat tur a ni. I Mobile an ruk sak
che chuan i Phone bawm chu la chhuak vat la.

I Phone
bawmah chuan IMEI Number a lo inbel va ang. I Phone
bawmah an bello a nih pawhin, Warranty Card ah an bel
thin bawk.

Hei hi Phone i leithar tirhah i hmulo a nih
chuan IMEI Number awmna a hralhtute hnenah i zawt
ngei ngei tur a ni.

IMEI Number hi hriatloh theih a ni lova,
IMEI Number tiin a inchhu kalh a ni. A nih loh vek pawn i
phone lei thar kha phawrh la, a number kha heti hian
hmet rawh *#06# IMEI Number chu alo lang mai ang.

Entirnan, tuna ka phone hman lai hi ka IMEI Number ka en
a, *#06# ka hmet a, IMEI 35467505279026/2987 leh IMEI
35470105279026/1097 hei hi tuna ka phone hman lai IMEI
a ni. Phone thar nilo, mi phone hlui i lei pawn IMEI kha
hetiang hmang hian i chhinchhiah thin dawn nia.

IMEI Number hre ringawt mah ila engtin nge kan tih chhui
chuan ang?
IMEI Number nen chuan Police/CID lamah emaw, SIM
Card hralh chhuak tute lamah emaw i kalpui ang a, i
Mobile Phone chu a rutu/a chhartu in SIM Card dang a
vuah tawh pawhin, I phone IMEI in i Phone Call detail
zawng zawng kha a ni leh thla, a kum nen lam a lo record
vek dawn avangin i phone i tihbo tirh atang a Call detail i
dilchhuah inkar hun chhung zawng khan he IMEI Number
atang hian mi Call a ni em tih i zawt ang a, i Phone hi
SIM Card dang vuahin hman a ni nge nilo IMEI atang hian
a hriat theih dawn a ni.

IMEI atanga Call Detail dilchhuah ringawtin engtin nge a
ru tu kan hriat ang?
I Phone IMEI atang chuan i Phone ruksak tuten emaw, a
hralh tawhna tena an hmanchhuahna zawng zawng call
detail list print tirin i dil chhuak a, i nei ta vang mai.

Khang Call detail tam tak i phone in a lo biak thin zawng
zawngte chu SIM Card thar hmang mahsela, SIM
nunmber a hmanlai leh a biak a te nen lam a lo lang vek
dawn a ni.

Tichuan chung number ho chu phone dangin i
zawt ang a. He number 9862****** number hi i hriat
zawng a ni em tiin i zawt ang a, Call detail i dilchhuah
zawng zawng zinga number pakhat tal chuan chiang
takin i phone hmangtu/rutu emaw lo lei chhawng leh tu
emaw hi hria an awm ngei ang.

Tichuan thiam tak leh fing
takin a address chiangkuang taka i dilchhuah hnu-ah,
Police hnenah i phone hmangtu i hriat tawh thu i report
tawh mai dawn a ni.

Tichuan Address engkim i hriat vek
avangin Police lamin a tul angin an bawhzui tawh mai
ang.

I Mobile Phone ruk tawh chu ni tam tak a liam hnu-
ah i hmulet leh mai dawn a ni.
Mahse hetianga IMEI Number atanga zawnchhuah dawn
hian karhnih thum a liam a ngai tlangpui a.

Mawl tak an
nihloh chuan Switch hi an 'on' vat lo tlangpui a.

Phone ru
thang tak tak phei chuan a kum a kumte on lovin an dah
thin.

Chuvang chuan fimkhur taka thil tih a ngai a ni.

Hetiang anga i phone bo nangman ilo chhui ve avang
hian, Police te an hnathawhna ah nasa takin i pui reng
tihna a ni dawn a ni.

I phone hmangtu i hriat tawh avang a, thinrim a
hmanhmawh taka i va ti buan buan a nih chuan, dawt
hmangin a lo bum let theih che avangin fimkhur hle ang
che.

Tin, Call detaila lo lang i Phone hmangtu
hmelhriatute bulah hian thiam taka zawhna zawh leh
Address dil a ngai tih hi hriat reng a ngai bawk a ni.

Hre reng chungin address diklo an sawi theih avangin. Amah
nena thil titlang pawh an lo nihtheih avangin engkimah
fimkhur a ngai a ni ringawt mai.