RAMHUAI(EVIL)

Maleeya`s Presents
Hmasang kan Pi leh pute khan Thing bul lung
bul biain inthawi na chi hrang hrang an ngah hle
a...ramhuai leh thla a inlar nasa reng bawk a, a
hring hranin hmuh tur a lo awm chamchi bawk
nen...sih huai chenin a.... a tam mai Mizoram
ah Lal Isua Krista chanchin tha eng a lo lut
ta..heng thim thiltih theihna te hi um bo in an lo
awm zo ta.......Mahse?
Thlahrang Ramhuai te hi chuan thim thil tih
theihna thu hnuaiah ram lak tumin hna an
chawlh san si lo chu a nih ber hi maw...mihring
te tih thaihin a la hmanhlel hle reng chu a nih si
hi...Thlang Sappui mingo ho pawh khuan an
buaipui lah taka, hnam fing zawk nia kan hriat
te hian an lo ngaihven zaw ber a lo nih dawn
hi,hetiang lampang hi hmuh tur a tamin en tur a
tam hle.... duh tawk phawt ang
Hmakhawsang atangin kan pi leh pute hian an lo
buaipui hle ni tur a ni hming mak tak tak leh koh
dan chi hrang hrang an lo neih atang hian a
hriat theih awm e...Lo awm ngeiin lo hmu ngei
lo ta se an hming hi an lo phuah reng a ngem
tih pawh zawhna lian tak a tling? In chhui
chiang dawn teh ang.
Sarthi Mahni inthat tih vel ah hian a huangtau
deuhin an huaisar deuh em ni aw tiin a
hriattheih,chu kher chu ni lo mahsela zeldin thu
bawl chang leh tho tho mai thin mahsela "Eng
nge maw" hi chu a awm ve tlat niin a lang tlat
mai..
A dawih zual lah hian an hmuin an hre thei em
em mai lehnghala mak ve tak chu ni...hetiang
thawm ri va hriat tur ah hian naute/naupang/
nula/pitar nui ri tap ri hriattur a awm fo mai
lehnghal a,hengte hian an lungngaihna te an
hrehawm tihna te leh an thinrimna an puang
chhuak niin a lang..
Thlahrang han tih mai hian hmul thi chu a ding
nghal chiang a lawm..... min ti na thei lo
mahsela huhang nei lian ve tak chu a ni reng
reng a ni.mahni chauha awm a awm ti nuam lo
khawp a han ngaihbel leh han ngaihtuah veng
veng hi chuan mut mu tuah pawh hi a har thin
khawp mai....in tih huai em em avanga in tih
ngam leh dawih lutuk avanga hlauh uchuak hian
kan hlauh leh hlauh lohah kawng ro a su teh
chiam lo niin a lang...sawi tur a va han tam tak
em....
Mizoten Thlahrang/Ramhuai/Sih/An hlauh leh an
trih in chhui khanglang ila... hetiang lam chi kan
neih tlem azawng in tarlang dawn teh ang
1. Tual Sum Su : Mihring pangai niin eng e maw
harsatna an neih avangin khawlaiah chhip in an
sawt ta vak mai thin niin an sawi tawn fuh leh
hmuh hrehawm tak chu a ni ngei ang le
2. Thla Ai : Hei hi chu lui ruam leh dai velah a
thawm hi hriat a ni deuh ber a...lui dung khawk
rum rum a an han ai(h) vak mai hi chu thil hriat
nuam lo tak leh beng fah lo ber pawl a ni ngei
ang.
3. Dam Lai Thla :A awm ngei an tih tlat pek chu
kei pawh hian ka nei ni tur a ni ka nauin min
hrilh tlat Room ah i rawn lut a i ngawi reng a,a
hnu ah ka rawn en che a i lo awm der si lo a ti
tlat....hlauhawm tak phei chu a ni hran lova
hmuh tur leh hriat tur leh sawi tur hi an awm ve
leh zauh zauh zel ni awm tak a ni
4. Tau Meichher chi: Zanah Ral khat ah
meichher chi niawm takin an in zui duah duah
zel a,mak ve tak chu ni...Science thiamna
hmang chuan boruak chhia kang an ti a ni awm
e..a mak em em na tak chu an han in zui diah
diah kher tak hi a ni e..a hmuna va kal in eng
mah hmuh tur a awm bawk si lo an ti leh zel...
5. Zun Hin Dawt : Hei hi chu mihring niin an
zung ve ngei a an zun kha lei a thlen hmain an
lo dawt thin ni tur a ni..ka hrechiang lem hauh
lo mai...mahse a hming a awm ve tlat sia awm
tur ah chuan kan ngai ve teh ngawt
6. Khawhring : Hmanlai chuan Khawhring hi a lar
tiah tiah hle mai a,Khawhring neia inpuh hi an
duh loh ber leh an huat ber a ni lawi
si..khawhring nei an nih chuan inthawi ngei ngei
a ngai a ni awm eeee...An pum te a na ta vak
thin an tih tlat pek chu..
7. Chhawihfa : Vanah eng tak a rawn thlawk thut
a chu chu chhawihfa an tih chu a ni,he thil hi
chu damlo na rei deuh hlek tawh an awm hian
an in atangin a rawn thlawk chhuak thin a,a hnu
lawkah an thi zui thin niin an sawi..Chhawihfa
hmuh chuan mitthi an awm dawn tihna niin an
sawi..
8. Lei ruang Tuam :Ram ah a ni e maw khawi
humunah pawh mihring tiat vel hian lei hi a
pawng thin a,thlan vung thar vur thur nen hian a
in an duh hmel riau mai.he thil hi pi pute serh
leh hlauh tak mai a ni..hetiang ang chi hi an lo
ah emaw an in bul velah eamw a awm chuan
tlawh serah an nei thin...lei ruang tuam hi laih
chuan ro a awm e an tih tlat bawk..lei ruang
tuamawmna hmuna a in sa an awm chuan
chhungkaw pa ber an thi zel an ti bawk tak tak
ni maw..
9. Thing Lu Bul : Hetiang thing lu bul hi a awm
ve ngei eng vang tak niang maw a bul tha mut
mut khawp mai pipute hlauh leh serh zinga mi a
ni ve tlat,a awm ve tho mai engmah thin chawr
zawm thei hauh lova an bul mut mai chu
10. Sih Huai : Sih huai hi ramhuaiin an tlan thin
e an tia,sih chu tui awmna hmun sawina a lo ni
ta mai a,chu sih chuan huai a nei an tih chuan
chawi en ah leh kal chi lohah an ngai hmiah..
11. In Thum Kar/Kan : Ramhuai lian tak leh sang
tak a nih hmel khawp mai inthum lai kan thei
chu..min thram ang tih te pawh a hlauhawm
khawp mai..Lian tak dum nel nul anih duh hmel
khawp mai
12. Phung : Hmelchhe tak dum ren run hmul
thep thup hlauhawm tak chu a ni phawt mai
a,Phung ka hmu a...an ti fo mai..thil hmuh
chakawm zawk zawk chu a ni hauh lo.
13. Lasi: Ramhuai Lalnu a ni deuh ber ang chu
maw...Lasi hi chuan mihringte chungah ngil a
nei hle a,harsatna aiin malsawmna an thlen tam
zawk Lasi Zawl nih chu an chak vek a mahsela
ni bik nih chu an duh ber lo niin a lang..
14. Pheichham : Hei thil hi chu mihring ke
pakhat chiah nei ramhnuaiah awm thin niin an
sawi a man fuh hlauh chuan vanneihna tawp
khawkah an ngai...Pheichham man chu
vanneihna leh din chhuahna.Zawn ve nghal
chi...
15. Ram Mi : Ramhnuai pik leh ngaw dur chhah
pui hmunah an awm niin an sawi te reuh te te
mihring ni ve si harhvang tak leh huaisar tak
niin an sawi Ram mi ka hmu tia sawi an awmleh
zauh thin
16. Khaw Mu Chawi : He thil hi mak ve tak chu a
ni a chawi bo a,an hnuchhui theih tawh reng
reng lohin an khuangcher bo hmak zel a,zawn
chiam pawhin hmuh theih an ni tawh lo tlangpui
vanneih tawpkhawk ah an hmu a nih pawhin
lung hmun kil kar mihring tana han kal mai theih
lohna hmunah an lo awm leh mial thin mak ve
tak chu a ni.
17. Hlang : He thu hi kei chu Mizote hming vuah
ah chuan ka tih leh ka nel loh pawl tak chu a ni.
A hming hi a rapthlak ka tih em avangin kan
dah tel ve mai mai a nih hi..an zawn erawh
chuti teh chiam chuan ka hlau hran love a
hming mawlh hi HLANG...
18. Khuavang : Hei hi chu sawi zui tawh lo mai
ang kan hriat loh laiin min lo chhinchhiah nasa
em mai,hmuh an chakawm khawp mai,kei chu
ka ngei tlat an duh duh na laiah hian min lo
chhinchhiah ta mai thin a
ThuBelh : Ti ti leng vel thamral mai tur ui
vangin kan rem khawm ve mai mai chu a ni
a,khing te khi a ni ber e a dik ber e ka ti hauh lo
ka tawn hriat te leh an sawi dan ka remkhawm
satliah mai a ni e...ngaihdan han thawh ve teh
u a dik zawk leh chiang zawk in hriat phei
chuan duh thu sam....

Source : maleeya13 blogspot