U.S. Passport Apply Dan Written by whirlwind Hits: 427 LINKS dah te khu hetah click tih ho khu aw. U.S. Passport apply dan kal hmang tlangpui te kan rawn tarlang a nge. Mi dangte zawh kual tul lova mizo tawnga chhiar mai theih turin a "process" tlangpui tarlan kan rawn tum a nge. U.S ram pawn zin chhuak tum ten an hman tangkai ngei kan beisei. Step 1 - Form FillUp : A hmasa berin passport application form DS -11 form i fillup phawt a tul. He form hi an website atang download mai theih ani. A link chu a hnuai- ah hian kan rawn dah tel e. Form i fill up zawh hnu ah SIGN NGHAL LOH TUR ani. Passport agent/officer in an interview hunah che chauh sign tur. HE TAH CLICK Step 2 - Form Submit : Naupang kum 16 hnuai lam pawhin International Air travel tur chuan passport hi an neih ngei ngei a tul. Passport apply na ah pawh an mahni an in lan emaw lan tir ngei a tul ani. Puitling tan pawh chutiang tho chu ani. U.S. citizen lo tan chuan travel document siam tur ani ang. Mahse hei chu a hranpa in kan la sawi leh dawn ania. Passport Application submit theihna hmun te chu hemi website atang hian a zawn theih ani. Post office lian deuh ah chuan an accept thei tlangpui. Mahni ngei-a va kal a tul. HE TAH CLICK Step 3 - U.S. Citizenship Proofna Lekha: Passport apply rual hian U.S. Citizenship proofna lekha submit bawk tur ani. A hnuai-a document ang te hi citizen proof na atan an pawm. a) U.S. Passport hlui. b) U.S. Birth Certificate. c) Ram pawn-a piangte tan U.S. consular report na birth certificate d) Naturalization Certificate e) Certificate of Citizenship Step 4 - ID hmuhtur: Government issued ID pakhat tal ken bawk tur. Duhthusam chuan ID hi an issue atang kum khat (one year old) tal ni thei se tih ani. Passport apply na atan-a ID an pawm te chu a) Driver's License b) Government ID Engpawh c) Military ID d) Naturalization certificate e) U.S passport hlui. Hming thlak te chuan Hming thlakna official letter court issue kha ken tel ngei tur ani bawk ang. Step 5 - ID xerox/photocopy: A chung (Step 4) a ID khi xeroxcopy/photocopy submit tel tur ani. Mahni computer copier/printer atang an print mai thin. Original size ai a lian in a print chhuah theih a, amaherawhchu original size ai a te a print chhuah chu an pawm lo. Step 6 - Application Fee pek tur: Passport apply man hi a pung chho ve zela, tunah tak erawh hi chuan mipakhat tan $135 (Application fee $110 + Execution fee $25 = $135) a ni. Passport book bakah passport "Card" a awm leh a chu chu canada leh mexico zin na atan a tangkai hle. Passport Book keng lovin Passport Card keng ringawtin Canada leh Mexico te hi a zin mai theih ani. Passport Card apply tel nghal duh chuan $30 pek belh a tul, chutichuan application fee chu $135 nilovin $165 ani ve thung. Hmanhmawh deuh kan awm chuan Expedited fee ($60) pek in rang takin a siam tir theih bawk. Passport apply chhung hi kar li (4 weeks) vel ani tlangpui, mahse Expedited fee ($60) pek belh chuan kar hnih khat (one or two weeks) ah an ti zo thei. Step 7 - Passport Size Thlalak: Passport size thlalak pakhat submit tel bawk tur. Heihi chu passport submit na hmun thenkhat ah chuan thlalakna te pawh an nei mai thin. Passport size photo hi an duh uluk em avangin personal camera nena lak mai hi an pawmlo tlangpui. CVS pharmacy leh Rite Aid ah te hian passport size photo lakna an nei thin. Chhiar belh duh te tan an website ah hian a chhiar theih e. HE TAH CLICK
No comments:
Post a Comment