Source : World Advanced G.K - Hriatzauna Changtlung(facebook group)
Ramhuai hnawhchhuahna lar tak chu!
Emily Rose: The Real Story of Anneliese Michel’s Exorcism
Anneliese Michel hi a pian tirh ni 21 September, 1952,
atangin pangngai taka nun hmang a ni a. Mahse, warning
pawh awm lovin, kum 1968-a a taksa khur vak a thunun
zawh tak loh atang chuan a nun a lo danglam chho tan ta
a ni. A nu leh pa, Anna leh Josef te, a unau hmeichhe 3-
te au tur pawhih a rawl a chhuak thei der lo va.
Psychiatric Clinic Wurzburg-a neurologist chuan
Phungzawl natna nei niin a sawi a. Tichuan, Anneliese chu
hospital.l-ah admit a ni ta a. chutia a dam loh tan atang
reng chuan, Anneliese chuan ni tin mai hi ramhuai ni ngei
tur mak pui pui hi a hmu fo mai a. Kum 1970-ah chuan,
Anneliese hian a tawrhna chu, nasa zawkin a lo
hmachhawn ve mek reng bawk a. A tawngtai laite hian, a
mitthlaah ramhuai a hmu zel mai a ni. Hun a lo rei hnu
chuan, aw (Voices) pawhin a rawn be tan ta a, "Anneliese
chu Meidil ah a la kang ang" tia hrilhna aw chu a hre fo
tan ta a ni. Doctor-te hnenah ramhuaiin thu an rawn pek
thu chu vawi khat chauh a sawi chhuak thung. doctors ten
tih theih an nei tlem ta tial tial a, Anneliese pawh a
beidawng rilru ta viau mai a. Nipui lai kum 1973 khan, a
nu leh pate chuan pastors hrang hrangte hnenah tanpuina
an lo dil tawh bawk a ni. Postor-te erawh chuan a nu leh
pa dilna chu hnawlin, doctor-te damdawi chawh chu ei zel
turin an lo ti ta zawk a ni. Hetih hun lai hian kohhran
dan a khirh hle a, ramhuai pai tih fiahna fumfe tak a
awm loh chuan he lama inhnuh luh hi an duh si lo a ni.
Bishop can not approve an exorcism. Kum 1974-ah
Anneliese-i chu enthlak a nih hnuin, Pastor Ernst Alt
chuan ramhuai hnawhchhuah phalna chu, Wurzburg
Bishop atangin a dil ta a. Mahse, he a dilna hi hnawl a n
a, Anneliese-i chuan Pathian thu lam ngaihsak turin
thurawn an rawn pe ringawt mai a. Mahse, chutia ti tura
an tih anga a tih tawh hnu pawhin, a taksa awm dan chu
reh leh ziaawm ahnekin, a hma aiin a thawk na ta zawk
tlat mai a ni. Klingenberg-a an inah chuan, suahsual
rawng a bawl tan ta a, an chhungkaw member thenkhatte
phei chu a seh hial ta mai a! A kawchhunga ramhuaiin a
phalloh avangin, thil a ei duh ta miah lo va. chhuatah
ngat muin, maimawm te, tho te leh tenawm eng eng emaw te
chu a hmuh chuan a man a, a ei ta mai thin a, a zun han
in maite pawh chu a ching ta viau bawk. An inchhunga
Isua khenbeh lai lem te, Isua lem te leh Roman catholic
thi (thri)-te chu a nghaisa a, a tichhe ta vak mai a ni.
Anneliese chuan ama taksa a khawih leh tan ta a, a kawr
a pawtthler thin a, chhuatahte a zung kual vel chiam ta
mai thin a ni. September 1975-a ramhuai pai ngei a ni tih
an finfiah tak hnuin, Wurzburg Bishop, Josef Stangl chuan
Father Arnold Renz leh Pastor Ernst Alt-te pahnih chu,
Anneliese Michel kawchhunga ramhuai hnawtchhuak turin
a tir ta a.
Lucifer, Judas Iscariot, Nero, Cain, Hitler, leh Fleischmann
(kum zabi 16 laia Frankish Puithiam hmingchhe tak kha)
leh thlarau sual dangte chuan Anneliese-i kawchhungah an
awm a ni tih Anneliese-i ka hmang chuan an rawn sawi
chhuak ta a ni. Thil mak leh tihbaiawm tak a ni!
September 1975 atanga July 1976 chhung chu, ramhuai
hnawhchhuah runpui chu chawlhkar tin tum (sessions)
hnih neih a ni thin a, Anneliese-i beitu ramhuai hi a
chang chuan a chak hle a, puitling pathumin chelh te a
ngai thin a, a nih loh vek leh thlun beh tlat a ngai thin a
ni. Mahse, mak tak mai chu, Anneliese hi a rawn harh
chhuah chang chuan School te pawh a va kal ve leh lawp
lawp thin bawk a. Mahse, ramhuai chu a kawchhung atang
chuan a chhuak ta e tihna lam chu a ni miah si lo a ni. A
hma aia nasa fe zawkin, ramhuai hnathawh a lo lan chang
nguan, a kut ke te pawh a lo zeng vek mai thin a, nikhaw
hre lovin a awm ra fo mai bawk a ni. Ramhuai
hnawhchhuah beihpui (exorcism) pawh chu Thla tam kalpui
a ni tawh a. chawlhkar tam fe mai chaw pawh a ei tawh
lo va, a khup te pawh a thingthit nasat lutuk avangik a thi
phenghung a, a duk nuaih mai tawh a ni. Hetia ramhuai
hnawtchhuah an tum laia a aurawl rapthlak tak takte chu
audio ringawt pawh 40 lai record a ni tawh bawk.
Exorcism Rite hnuhnung ber June 30, 1976 khan a ni a,
hetih lai hian Anneliese chu Pneumonia natnain a damlo
tel bawk a, a taksa chu a chhe tawh takzet mai a ni. A
khawsik a sang hle a, heta ramhuai hnawtchhuak tura an
han tih lai dawn hian, Anneliese-i chuan a nu hnenah, “ka
nu, ka hlau a ni.” a ti ta hial reng a.
Anna Michel chuan a fanu thih dan chu a tuk July 1,
1976-ah a record a, chhunah, Pastor Ernst Alt chuan
Aschaffenburg-a thuneitute a hrilh ve ta nghal bawk a.
senior prosecutor awhin investigation a nei nghal ta reng a
ni.
He ramhuai hnawhchhuah runpui hun hnuhnung ber thlen
hma lawk hian, William Friedkin-an kum 1974-a “The
Exorcist” film anga a lo siam pawh chu Germany cinema-a
lar tak a lo ni ve mek bawk a. chuvangin, hetiang thil hi
mipuiin an hriat chak zawng tak a ni. Europe-a rilru lam
doctor (Psychiatrists)-te chuan an damlo te zingah rilru
kaptu lian tak a awm fo thin thu an lo report ve bawk.
chutih laiin, Prosecutors pawh chuan Annaliese-i case
court-a put luh a tumna lamah kum 2 lai thu a kal kual
ta a. Anneliese-i nu leh pate leh ramhuai hnawtchhuaktu
(exorcists) 2-te chu, tualthahna an ngaihthah a ni ti a
puh an ni. He “Klingenberg Case” ah hian zawhna pahnih a
awm ta a: Anneliese Michel-i chu engvang chiaha thi nge,
tih leh tu nge mawhphurtu tih hi a ni. Forensic evidence
atanga a lan dan chuan, “Anneliese-i hi riltam lutuka thi
a ni". Specialists-te chuan, "Anneliese-i kha chaw ei
luihtir ni ta se la chu, a nunna pawh chhan him a ni ngei
ang" an ti bawk. A unaunute zinga pakhat chuan, Anneliese
khan rilru buai enkawlna hmun (mental home)-ah kal a
duh lo, chutah chuan chaw an ei luihtir dawn si a ni tih
thu court-ah a sawi. chutih rualin, exorcists pahnihte pawh
chuan, ramhuai a awm thu evidence atan, an lo record that
thlap chu an play ve ta a. chuta thil awm ta chu,
Anneliese-i kawchhunga ramhuai awm pahnihte phei chu
tu zawk nge he taksa atang hian chhuak ang tia an lo
inhnialna rapthlak tak kha a ni. Ramhuai pakhat zawk
chuan Hitler angin a inchhal a, Frankish aw phawi ngeiin
(Hitler was born in Austria tih chu). Mahse, heng zawng
zawng hi ramhuai hnawhchhuah runpui lai khan a awm si
lo va, ramhuai a kawchhunga a awm chu a rin awm lem
loh tiin an lo hnial kalh ve bawk a. Tichuan, court-in rilru
lam doctor sychiatrists-te a ko ta a. Anni chuan,
"Puithiam (exorcist)-te khan Anneliese-i damloh rilru buai
lai tak chuan, ramhuai pai tia an nawr tak chhen avangin,
amah pawh chuan ramhuai pai angin a lo inngai ta a ni"
an ti a. A tawpah chuan, Anneliese-i nu leh pate leh
Puithiam (exorcists) pahnihte chu, damlo ngaihthah leh
tanpuina pe duh lo tiin thiam loh chantir an ni ta a. Jail
thla 6 tang tur leh enthla zel tura tih an lo ni ta a ni.
Anneliese-i ruang chu, an phum atanga kum 11 leh a
chanveah an phawrh leh ta a, a chhan chu, mihring taksa
pangngai anga awm a lo ni reng em tia an beisei ang a ni
em tih hriat an duh vang mai a ni. Tun thleng hian, a
thlan chu hmun thianghlimah ngaiin, tawngtaina atana
tlawh thin niin, Anneliese Michel khan huaisen takin
ramhuai sual a bei let a ni tih hi mite rin dan a ni ta a
ni.
No comments:
Post a Comment