Kum 1999 april 29 khan ka nu leh pa ten a min tirh ang in MAMIT lam ah ka chhungte bul ah awm a lehkha zir tur in min tir liam a,
Lunglen la na mi tak ka nih avang in mipa e ti lo chuan tlai tin ka tap deuh faih faih reng mai,
Chhungte ngaih hi chu alo na em ani..
Ka school zuk luh na tur a head chu ka pa u anih avang in ka school luh tantirh atang reng in duhsak tu leh min biak tlawn tu pawh an kat nghal nuk a,
Thian pawh kawm vak ngai lo mah ila, min bawr hat ve zel mai ani, tiang chuan kan han kal chhoh ve nak nak zel a, chhungte ngaih pawh a reh fel khat tawh a ka tlangnel viau tawh a,
Kan colony bik a naupang kum 1-3-4 inkar ho chu ka huih khawm ka thian te ber an ni mai a midang han kawm em em ka nei hran lem lo.
Khawlai pawh leng chhuak ngai lo, sunday in khawm leh school kal bak a chhuak ngai lo ka ni bawk a, rin ai tak chuan han awm sual em em ka nei lova,
Hun alo kal zel a, school lam ah pawh ka tlang nel tawh viau mai, Kum 2004 august 2 tlai lam dar 3 rik hma vel hret hian kan subjects bik teacher alo kal loh avang in kan chawl hma a,, midag class la la ho kan nghak thap a,
School building thlanglam ah thu in a tuk leh mai a kan test tur ho, ka lo zir malh malh lai chuan, hnung lam atang hian aw no nem zet mai ka hriat ngai loh pawh ni lo, mahse kei mah min biak nan a a chil per pawh la seng ngai miah lo, ka lo ★ ruk ve thin deuh ka biak ngam loh vanga ka beidawn san ti tih tawh chuan, " ka lo thu ve thei angem...kha iva zir na sa bik ve¿?"
Ti in , mit meng mawi tak no nghalh mai a melh pah chuan ka han hawi let chuan min lo melh kar mai,
Awi karei!!!! Lalpa leh..ka lai chhe zo vek mai ka ti.
Sawi mai tur pawh ka hre lo, ka ka ho mai a, chu vel leh nuih seih pah chuan, "umm min chhang har emai ka lo thu ve tawp mai dawn" tih leh ka thut na a rawn thut chua rual nghal thawr mai,
En pawh en tha ngam mang lo chuan "e..siamsiami,,enge nita?"
Ti in ka han be lum lam ve nial a,
"Tlai lam ah haw rual ila, kan veng lam atangin lo haw la, ka pa in hmuh che a chak a hun i neih chuan?"
Chu thu zet chuan min ti phu chiangin min va ti hlim si em, mahse vawi khat pawh la in kawm lo,
Vawi khat pawh la in be lo, Hian engtin tak apa chuan min hmuh duh teh tlat chu ni mak ka ti lutuk chu amah en deuh hu pah chuan "E khai ava ti lawm awm ve, kei ang te min han hmu duh chu ni e, ,ka lo kal kawi pah dawn nia,,,mahse engtin nge i pa chuan min hriat teh daih a?"
Ka han ti deuh duah a, ka zah na zawng zawng leh amah ka biak hreh na pawh chu apa min hmuh duh thu ka hriat chuan abo vek mai,,,
Siami chuan, apa bul ah ka chanchin ,,an school head vahpa ka nih thu te, Fel min tih thu te alo sawi thin ni ngei tur ani...
Ka zak leh chem chem mai a,,
Tlai ban rual chuan school kawt chhuah ah chuan ka lo nghak a, kan in zui chho bek bek a,,
Sawi tur ka van lutuk leh ka lai na sa lutuk chuan Ka hmui ka pet deuh fan fan mai a,
Ngawi hle hle a, minute khat kan in zui hnu chuan,
A mipa zawk ngawih reng chu a ti in eng eng emaw ka zawt chhoh tan ta a rin ai in kawm alo nuam phian a, atawng duh ve siam siam khawp mai...
Nu leh pa an dam that leh that loh te ka zawt a, anu in a athiu san tawh thu leh apa ho a, an Awm thu te min hrilh a, ka khawngaih angreng viau, unau pali an ni a, Upa ber ni in , a nau te pali A enkawl vek a, Apa hian, Dc, office motor a khalh a chu chu an ei ve ber ani mai a, an harsa em em lo nanga, mamawh chu an ngah ve ngang mai,
Eng eng emaw sawi a, kan ti ti reng lai chuan kar lo ah an in kan thleng chhoh a ,
Ka rin ai in apa alo fel reuh phian a, apa nen lah kan la in kawm thei phian leh nghal a,
Siami chuan thingpui te rawn lum in kan in ho a, a pa in zawhna te min zawt leh zeuh thin bawk a,,.
Kan hlim tlang dar dar hle mai, Siami hi ahming pum tak chu,
Abby lalremsiami ani a, a hnuai chiah ami hi vanlalhruaia ni in a dawt leh hi lalhruaichhuahi ani leh a a te ber hi mary lalduhawmi ani a...an pa ber hi ,Lalduhzuala ani a an chhungkua hi an hauhsa lo mahse mi te neih ve loh sum tamtak pawh in a alei theih loh, hmangaihna ,,induh sak tawn na,,leh hlimna te hi an ta emaw tih mai tur ani a,,,abby(siami tun atang chuan abby kan ti tawh ang) ka han kawm chhoh tan atang phei chuan kei mah ah pawh danglam na nasa tak min siam a,
Nitin an in peng ah min lo nghak a kei chu mahni taxi ten min thlah thin avang in abby pawh chu ka lam kawi ta thin a,
KA hmel a hmuh tawh hi chuan anui sen sen zel hi ani ka ngainat leh zual na chu nui chung hian min lo lawm thin hi alawm..ka thlak hlelh ve em em chu anui mawi tak hian tawngka ai in thinlung lam ah thu asawi ril in a sawi ring zawk tlat alawm.
Abby nen kan inzui chhoh tak ah chuan thian dang pawh kawm lovin, Class lak chawlh lai te hian kan in zui chawt zel a, ban ah ni se kan haw rual a kal lam ah ni se kan kal rual leh mai zel bawk a,
Kan school naupang te leh ,teacher te thleng chuan min fiam nan an hmang ta zeuh zeuh leh nghal, A zah thlak ve deuh na a, chutia min han dem fiam te chu abby nen chuan kan hlimpui phian anglawi bawk sia,
A ruk hian min sik leh zeuh thin.
Fiamthu a duh in, mi tih hlim dan a thiam em em, a tul hun ah chuan a puitling em em a ka tluk loh na pakhat ani.
Tum khat chu, Sunday te ani bawk a, chawhnu lam in khawm lo in ka len tur thu ka hrilh a, a phur khawp mai,
An veng, mamit PWD veng lam pan chuan ka kal ta a,
An in ka va thlen chuan. Amah chauh te hian alo awm,
Min han hmu chu lungchhe tak mai hian room atang chuan a rawn tap chhuak ta hawm hawm mai a, Ka hamhaih chiang kher mai, thil awm zia ka han zawt a, ka awm a bei chungin nghet deuh a min kuah chung hian, a mittui a in hnit deuh hlawp hlawp a
Ka va thlen hma deuh khan,
An kawm chhak pathlawi zungawl vei hian lo sual a tum thu leh, a kal na apiang a azui kual thu te, A hlau lutuk room chhung ah a in kalh hnan tlat a chu pa chuan a hawn theih loh avang in,
"Ni dang ah ka la khawih tho ang che, I it awmzia te chu tlang hriat ani,,, th awi te te khan min han zui mai la i tan atha anga i nau te pawh an him ani mai!"
Ti in alo vo hrep thu min hrilh chu ka sa ta zak mai, ka in sum zo lo chuan han hnuh thlak a vuak hlum mai chu ka duh a mahse Abby chuan, Kut em chu thawh suh engtin mah min ti em hleinem, Ti in min man bet tlat pek a, ka thinrim lutuk chuan abby pawh chu ka vo ti tih a "ngah nge min rawn call vat lo ni"
Ka han ti deuh khur khur a mahse ahnu ah ka inthiam lo leh deuh a "ka tih palh" ka han ti leh hnu hnaw a,
Mamit police ah khuan ka thianpa pa hi officer in athu ve a chumi ch ka va phone a thil awm dan te, ka hrilh vek hnu chuan, A ho te nen rawn phei in, F.I.R te kan ziak fel a,
Kan pathlawi hura chu an han hruai chhuk ta motor a an luh pui tur chu ka insum zo lo chuan nghing lawih khawp in a a khabe hnuai lam atang ka hnek chhoh siah mai chu motor chhung ah chan alet thla tual mai a che zui tawh lo chiang khawp mai,
Police te chuan inbeng dai turin min ti a, abby chuan inchhung lam ah min hruai lut a,,ka thinrim lutuk chu, alh thei chu ni ta ila, ka alh puat puat thei hial hian ka ring asin.
Abby chhung leh khat a u leh nau leh apa te an rawn thleng khawm ve thuai...puitling thah ani tawh bawk a an ni zawng ka thinrim viau mahse ka thinrim na te min la rawn tih dai sak thei leh zel an chhungkua hi an lova han tha tluangtlam bik em..
Abby pi chuan lawmthu te min mawlh mawlh a, Chutianga police a pek na chang ka hria te chu an lawm hle mai ani.
A tlai tak deuh avang chuan,
Haw mai tum chuan abby bul ah chuan,
"abb,,,ka haw dawn Umm engtin mah i awm lovang, tu man an tih nat che hi ka phal dawn reng reng hleinem, tih nat tum tu che chu ka dah tha zel ang"
Ti in ka thiam tawk chuan ka hnem ve mawlh mawlh a.
"Nick...Chaw ei ve nghal mai la,,ei kham lam ah i haw mai dawn lawm,,,bakah i bul ah awm ka la duh..mi. Haw san suh,..maw haw rih lo mai rawh,,i duh leh zan ah pawh i riak nghal dawn nia,,vawiin chu ka kiang ah awm tluan law law mai rawh"
Ngen ngawl tak mai chuan min thlem rwng bawk sia...umm chutianga hmangaih te hlim na tur LEH an thla muan pui te kan nih chuan, kan awm poh nga ani mai alawm ti rilru neuh neuh chung chuan,
Ka chhungte ka phone a zan ah ka haw loh tur thu leh vawiin lam a kan thil tawn vel te ka hrilh a, ka chhungte pawh in min lo hrethiam khawp mai a, ti chuan zan ah ka riak zui nghal a.
Zan rei tak thleng kan pahnih chauh in kan in kawm a vawiin a ka thil tih avang khan , ka hmangaih ve zia a hrethar tih thu te, a tan a awm reng tur te in leh hmangaih dang neih lo ve ve tur te in kan han intiam leh rih a,,abby bul a awm hi chuan zep loh ah chuan, Hah tawng khawng chau hnep a duh ang thal a kan mu hil sia sia ang vel hian ka hahdam sawng sawng thin zu nia,
Abby bul ah chuan rilru tha lo ka pu ngai lova, Kan in zui tirh a kan intiam tawh ang in,, kan in neih hma chu sex reng reng hman kan tum lo tawp bawk ani.
In khawm ataihma em em a sunday tin hian inkhawm tur hian an veng lam ah min koh phei ziah a, ka in khawm peih loh thu han sawi tawh hi chuan..min be tawh suh tih na angvel ani..a thinrim em em zel mai bawk sia..inkhawm ka taihmak phah ta phian leh nghal.
KAN han inzui rei ve ta deuh a, abby i pawh in College te a zo chhoh ve ta kei ai hian class khat vel in High school atang khan a hniam hret a,, Doctor te a zir chhoh a rei lo ah Doctor hna te ahmu chhoh ve leh zel a engkim mai chu a hlawhtlin pui zel mai ani ber mai..LALPA Chu fakin awm rawh se.
Ka rilru hah thin na em em chu doctor te a ni ta si a mi dang Melh tai tu an tam ta si a...
Min kal san mai ang tih chu ka hlau hle a,,,mahse midang hmangaih tu dik tak atawng a min kalsan anih erawh chuan na hle mahse lawm takin ka thlah liam thei tho ang ti in rilru te ka lo duang lawk thlap...a
Mahsr chu pawh chu ka phal lo,
Mahse rin loh deuh mai in,
Mi dang rim tu chu a hnar zel a
"Mi pakhat tan ka in serh hrang tawh a, midang tan ka rem tawh lo e"
Ti in fing tak in ka tan a arinawm zia ti lang in alo hnawl fel et zel a,,
A bul ah pawh vawi tam ka tan a arinawm avang hian Lawm thu ka hrilh mawlh mawlh thin.
Hun awl kan neih dun te hian,
Kan pahnih in ka leng chhuak thin a, kan in thla hlelh dun em em reng mai ni khat hi keini tan chuan second chanve ai pawh in a rei lo si..
Hun te alo kal a ni tam aliam a...kei pawh chuan ka tuina leh ka duh thu sam ang in, PATHIAN zarah keima mimal Company tereuh te chu ka din ve ta,
Kan buai dun map map thin hle a kar khat tawp in biak loh te kan nei leh zeuh thin mahse chu chuan kan hmangaihna a ti dang eih lo.
September 2/2004 alo her chhuak leh ta reng mai,
Ni leh thla aliam zung zung a,
Abby pawh an khaw lam mamit lam ah Thawk in a awm tawh a.
Phone hmanga kan inbiak bak hi chu kan in hmuh loh na pawh thangkhat lian awrh ani ve ta reng mai, Hun awl kan neih rual theih dan tur chu kan Zawng ve reng a,
Hun awl ka neih hmasak ber ah chuan, mamit lam pan in ka liam thla ve nghal vang vang a, Abby chuan min lo hmuak a, in lam a haw nghal mai lo chuan field veng bazar ah kan la bazar kawi a, mamit dinthar veng lam a, ka thian tha te ho te kan la tlawh kual leh te te a, picnic chu kan rel thlu nghal et mai,
Tlai deuh tawh avang in, Abby pawh chuan a File khawih lai chu rem fel in a in phih harh te te a, ka bul ah min ngheng at hian a rawn thu a, A hmui sen no vam ham mai a, lo chuk zeuh pah chuan, "Hei i bial pa in alo text che nia" ti in ka fiam zeuh pah a,
Ka rin ai in alo confi daih mai "umm hei ka bul a hi alo thleng tawh alawm" tih pah in min sik hep leh nghal,
Veranda lam ah thlifim dawn pah leh thla eng thlir pah in ti in kan thu chhuak a, tlau a ka lo lei tawh sa, Juice vel chu kan in pah a, kan hma lam hun tur kan duhthusam te kan han Sawi dun a, "sam ah sam luat a awm lo e" ti in kan mizi upa ten an lo tih tawh ang deuh khan kan han sawi thui dun ang reng vei phian a.
Abby chuan mi rawn kuah in ka awm ah a bei hle hle a,
In ti pangchang fe hian a duhthusam te ka chung ah rinna anghah zia te, a sawi siam siam a, Thla eng no nghal mai in a asam a chhun tle siau mai leh asakruang no tak ti mawi zual tur a achhun eng pup mai chu ka lo thlir reng a, vannei in tih na riau te hi ka nei leh rum rum thin.
Abby hi ka bul ah a awm tawh chuan a pangchang thei em em a, A thiantha te anu leh pa te bula a sawi ngai miah loh pawh ka hnen ah chuan zep nei miah lo in a sawi fai leng zel mai ani.
Ka bul a ain tih pangchan na leh min ngaih em em na hian amah chu min thlak hlelh tir em em reng a abul ah ka awm kham lova, dam mawh hritlan han tawk hlek ila, min ngaihtuah em em a, nikhat pawh tho harh peih lo in khawsik in awm ila a mittui hial tla khawp in min ngaihtuah thin ani.
Zing ah chuan hma taka a tho in thing pui alum a ka mutt na bul ah thing pui lo chawi phei in, Ka muttui lai chu min lo thlir veng veng thin a, Zing thawh rual a ahmel hmuh chu khawvel a thil thlak hlelh awm ber te zing ami ani ngei ang .
Damdawi in lam a a kal hian mahni te chauh in in ah ka lo awm thin a, ka khaw har a hlauh deuh avang pawh ani ta ve ang, mi hi a rawn text reng a min rawn be reng bawk thin. Chutiang khawp a in ngai leh in hmangaih chu kan la ni ang tih rin ngaih na pawh ka hre lo.
Kan teirawl chhuah tirh a ka star ruk em em.
Ka biak ngam loh avang a ka bem ngam loh, amah in hma a rawn hruai atanga Mipa pangngai dinhmun a chuangkai ve thei a inzui chhoh kha kan ni ta kha ani a,
Mahse Kan hriat ngai miah loh khuannu ruat ngei chu kan lo ni si harsatna beidawn na, tah na, natna, lungngaih na,
Hmel ma tamtak kan paltlang dun a, sawi chhiat tinreng kan tuar dun tawh bawk a kan pahnih a in hmangaih na kha,
Khuannu chauh lo chuan a ti then thei hauh si lo,
Middle school kan kal lai atang tawh a, in zui chhoh kan nih avang te hian, kan school kal rual pui thin ho te pawh in..an rin ai a kan in zui theih phian thu hi ha hil hian an sawi ve thin ngei alawm.
March 12/2005 a lo her chhuak a, Abby pawh Aizawl lam ah a thawk leh
Tawh a in hmuh na chance kan nei ve ta zeuh zeuh a,
KA PHONE A RAWN RI REL REL A ka han en chuan abby chu alo ni reng mai,
"Hello,,,ka vantirhkohte"
"In hna atangin in bang tep tawh em hei in office kawt ah ka nghak che ania..min bazar pui rawh"
Kei lah chuan eng chu ni maw bazar te a rawt ve tak ni ka ti rilru neuh neuh a, a birth day ani tih reng ka lo hre tawh lova...ka va han a...
"Awhaw,,,lo lut chhoh la,, he tah kan ngaihtuah tha dawn nia ka bazar peih angem aw..." Ti in Ka lo fiam zul zuk a .
Ka office room alo luh rual chuan midang an awm ve lo bawk, A rawn tum lut bur mai a,
Ka lo nuih san tlek tlek
Zep loh ah chuan a tum hmel te hi ahmel that a tizual tu an ni ve tlat a, a duhawm zia hi..
"Ka vantirhkoh te i chu ava tum nasa ve tunge hau che kan vel hrep dawn nia" ti in ka lo fiam zui hawrh bawrh a,
Ka dar a min chum pah hian"chimawm viau suh aw,,apa ka birthday anih hi i hre tawh lo ami?,,,chuvang chu alawm ka lo haw hma,,lengkual ang"
Apa tih hi min koh ve dan ania,
A birthday ka hre chhuak thut a, Zinglam a ka lo lei lawk tawh sa zung bun chu a ruk te in ka phawrh a, a hma ah thing thit pah in,
"Abb,,,? Min nei duh angem?,," ti in zungbun phawrh pah chuan ka propos a, a rin loh deuh a ka zwwh thut vang leh lawm bawk si, lai ang reng bawk si chuan, min rawn kuah nghal a, min neih duhthu a sawi zui nghal bawk a, zunbun ka han bun tir phei chu a , a hlim khawp mai, kha mi ni ka propose ni bak a a hlim hmel kha ka la hmu ngai lo.
Bazar lam ah kan chhuah hnu chuan an in thleng ka va thlah a, riak ve nghal tur a min nawr luih tlat avang in, ka haw leh ta lo a, Amah chauh a in luah ani a anau hostel ah a awm daih bawk si a.
Addict rui ho in an lo tih thaih thin avang in ahlauh thu te min hrilh a, chuvang chuan ka riah pui a lo ngen reng thin alo nia.
.engkim ah rinna ka Chung ah anghat fai vek a,
Kei pawh in a rinna chu tih hlawh tlin ngei ka tum nghet tlat bawk ani.
Continue soon......
